Radio Folgefonn    vart starta i 1984 som eit partslag  med prøvesendingar i Odda. Frivillige medarbeidarar  la  ned mykje arbeid,  og suksessivt  vart  konsesjonen utvida.  Først med  Ullensvang, seinare med fleire kommunar i Hardanger, og sia 2000 har også Voss  vore ein del av konsesjonsområdet.   Utfordringane  var store og mange aktørar kom og gjekk. Fram til 2002 sysselsette radioen eitt  årsverk. 

Ved hjelp av 22 sendarar når radioen i dag  ut til ca  40 000 innbyggjarar i  kommunane Odda, Ulvik, Voss Ullensvang, Eidfjord, Granvin, Jondal, Kvam og deler av Kvinnherad.  I tillegg nå me ut til dei ca 40 000 som har fritidshus i området.  

 Radio Folgefonn er ein beredskapsradio,og har ved fleire høve vore ein viktig formidlar av viktige meldingar til innbyggjarane i konsesjonsområdet. 

Antal årsverk har dei siste tre åra auka til nærare 6, fordelt på 8 tilsette. I tillegg har vi ein  del freelancarar. 

 Hovudkontoret til Radio Folgefonn ligg i Odda.  Hovudinntekta til radioen kjem frå reklame på FM bandet, Internett, Marknadsavisa, bingo og kommunale tenester.

Vi sender 24 t. pr. døger 7 dagar i veka og dekkjer heile konsesjonsområdet. Vi er også på nett med  lyd. Vi har eigen marknadsavdeling med 4 tilsette og redaksjonsavdeling med 4 tilsette.